ఏపీ ప్రభుత్వ స్కూళ్లలో యోగా శిక్షణ.. అధికారులకు మంత్రి లోకేష్ కీలక ఆదేశాలు

ఆంధ్రప్రదేశ్ విద్యార్థుల్లో మానసిక ఒత్తిడిని తగ్గించేందుకు రాష్ట్ర విద్యాశాఖ మంత్రి లోకేష్ కీలక నిర్ణయం తీసుకున్నారు.

ఒత్తిడి నివారణకు పాఠశాలల్లో ప్రత్యేక అవగాహన కార్యక్రమాలు చేపట్టాలని ఆయన అధికారులను ఆదేశించారు.

ఇందులో భాగంగా, తొలి విడతలో 963 ప్రభుత్వ స్కూళ్లలో దాదాపు 4.47 లక్షల మంది విద్యార్థులకు యోగా శిక్షణ అందించాలని నిర్ణయించారు.

ఈ కార్యక్రమాన్ని దశలవారీగా రాష్ట్రవ్యాప్తంగా అన్ని స్కూళ్లలో అమలు చేయాలని స్పష్టం చేశారు.

అలాగే రాబోయే టెన్త్, ఇంటర్మీడియట్ పరీక్షల్లో 90 శాతం ఉత్తీర్ణత సాధించడమే ప్రధాన లక్ష్యంగా విద్యాశాఖ అధికారులు పనిచేయాలని ఆయన దిశానిర్దేశం చేశారు.

విద్యా ప్రమాణాలను పెంచేందుకు ఉద్దేశించిన 'మిషన్ మార్చ్' కార్యక్రమాన్ని సమర్థవంతంగా అమలు చేస్తున్న ఉపాధ్యాయులను ఈ సందర్భంగా మంత్రి లోకేష్ ప్రత్యేకంగా అభినందించారు.